Talabgaar

Zindagi tera haasil kya paaya humne,
Apney saaye sey bhi chehra chupaaya humne....

Do ghadi baat karney ko unse jo talab ki dil ne,
Ta-umr khud ko unka Talabgaar banaya humne....

Ladkhadane lagti hai jubaa unsey kuch kehte kehte,
Nasha-e-gum mey khud ko itna dubaaya humne....

Nazar pher lete hai nazron mein basne waale,
Aise unki nazaron mein khud ko giraaya humne....

Khalipan hai ek soonapan hai zindagi mein humari,
Tanhaaii ko ek baar jo gale se lagaaya humne...

Ab to kuch dikhta nahin kaali andheri raat ke siwah,
Jalte deepak ko dhalti shaam mein bujhaaya humne....

Thaama nahin haath mera, roka naa kisi ne bhi,
Zeher peene ko jab apne labon se lagaaya humne...

Bheeg gayi palken sabki, ro diye dil jahaan waalon ke,
Kuch is kadar apna haal-e-dil unko sunaaya humne.....