Abhi Kho Lene Do

Phir aane laga khayaal wohi tujhse milan ka,
Phir sajjne laga aalam phoolon se chaman ka...
Phir khone lage hai hum tumhari meethi si yaad mein...

Aisa ho kaash tham jaaye aaj yahin par ye ghadi,
Sehamne lagi hai saansein aur bechainiyaan badi...
Rukne lagi hai dhadkanein ab dil-e-betaab mein...
Phir khone lage hai hum tumhari meethi si yaad mein...

Udd kar agar pahunch jaaye kareeb apne chaand ke,
Chaandni saari samet laaye aanchal mein baandh ke...
Baras rahi hai muhabbat bhi khushi ke unmaad mein..
Phir khone lage hai hum tumhari meethi si yaad mein...

Aankhein khuli toh tumko kahin paaya nahin humne,
Toote hue sapno ko abhi tak bhulaaya nahin humne...
Dheere dheere bhula denge inhe phir kabhi baad mein...
Abhi kho lene do phir humko tumhari meethi si yaad mein..