Gila Naa Kareinge...

Zindagi se apni naa, gila hum kareinge,
Sabse hans kar hi ab, mila hum kareinge...

Kya haal hai hamara, jaaney naa koii,
Hanste chehre mein, udaasi hai khoyi..
Seh lenge dard aur chuppa lenge aansu,
Hum tanhaai mein hi baha lenge aansu...
Mehfilo mein naa aankh bhara hum kareinge...

Aadat hai unki yeh to dil ko dukhaana,
Jee bhar rulaana aur jee bhar sataana...
Dil ko hum bhi apne kar lengey patthar,
Dikhlaayege naa kisiko dil ka sab manjar...
Naye Parde roz shakshiyat pe sila hum kareinge...