Sapne Unke Milan Ke

Dekho gulaab ke phool par us ons ki boond ko,
Kaise damak rahi hai woh sang apne sajan ke..

Kuch socho jara khwab woh jo bante hai dil mein,
Kisi Nayi Naveli sii sharmaii sakuchaii dulhan ke..

Woh khushi jo chaand mehsoos karta hai har raat,
Jab milte hai us se lag kar gale sitaare gagan ke...

Aur woh muskurahat si kisi maali ke labon par,
Dekh kar khilte rangeen phool apne chaman ke...

Aaise hi kuch khyaal hai dil mein samaaya mere,
Sapne din mein dekhte hai hum unke milan ke...