Tum Chuaa Karo Unchaaiyaan

Aa kar kahin se humko bhi kabhi hausla de jaa,
Ghutt.ti hui si is Zindagi ko zara dua de jaa...

Bahut thak gaye hai bewajah hi jeete jeete hum,
Jeene ke liye fakat bewajah si ek wajah de jaa..

Tum aate ho ghar mein rulane bhar ko hi humein,
Aa phir rulaa humein, dil ko naya sadma de jaa..

Dekho phir simat aaye hai hum panaah mein teri,
Jaane se pehle kuch yaadon ka hi aasraa de jaa...

Har roz yunhi chuaa karo nayi unchaaiyon ko tum,
Pankh sametne ko humein tinko ka ghoslaa de jaa...