Shor Uthha Hai

Bhojhal sii saanson mein,
Lipti zindagi meri...
Kasmasa rahi hai,
Apney bandhano mein...

De raha hai hausla,
Dhadak ke dil mera...
Keh raha hai ghabra naa,
Yun uljhano se...

Kehte hai ishq se,
Badhkar naa hua koi khuda...
Koi bataaye kya mila kisiko,
Aaisi kahawaton se...

Bahut kari dua,
Bahut roye tanhaai mein hum...
Laut aayi sada bhi meri,
Takra kar pattharon se...

Khamosh rahe hum,
Naa kiya koi gilaa...
Lekin aaj shor uttha hai,
Kahin dhadakano mein...