Kyon woh sard shyah raat yaad aati hai,
Kyon phir sey dil ko bechain kar jaati hai...
Har taraf pasra hua hai gehra sannata sa,
Koi cheekh mere kaano mey goonj jaati hai...
Dard sey bhari kisi ki siskan ghuti ghuti,
Har kisi aahat sey rooh kaamp jaati hai...
Phir sey rounda jai naa kahin mujhko,
Raat kyon yeh baar baar chali aati hai...
Jeeney ki aas ab bhi baaki hai ismey,
Ek bulbul pinjarey mey phadphadati hai...