Ankahi si baatein

Raat bhar jagtey rahey hum unko manatey rahey,
Dil mey ab bhi kuch baatein hai jo un-kahi baaki hai....

Khud ko gira diya humney apni hi nazar mey lekin,
Phir bhi Dil mey uskey abhi kuch berukhi baaki hai...

Rooth gaye hum khuda sey bhi ki kaisi zindagi hai yeh,
Gum hi hai ya ab bhi kuch ismey khushi baaki hai...

Kya Bhool chukey hai woh, Nazar mey hai kya ab bhi hum,
Kya ab bhi uskey dil mein wohi pehley si aashiqui baaki hai...

Humney kaha e maut aa kar ab tu hi laga ley galey mujhey,
Hus key boli woh ki nahin abhi teri zindagi baaki hai...